Lodos vermellos tamén en Galicia

lodos_vermellos.JPG

 Todo o mundo fala da fuga dos lodos vermellos en Hungria. Pero ignoramos que temos unha balsa de lodos vermellos moito máis grande tamén aquí, en Galicia.  A fábrica de aluminio de Alcoa  situada entre os concellos de Cervo e Xove, na comarca da Mariña Luguesa, produce ester residuo a un ritmo de 4.500 toneladas ao día nunha balsa de 75 hectáreas y uns 80 metros de profundidade, que albergan un volume de residuos 7 veces superior ao da balsa que rompeu en Hungría. Soportaos un dique de 800 metros, se rompera todos estes lodos verteríanse ao mar. Nos seus arredores detectáronse niveis de flúor no gando vacún e no leite superiores ao legalmente permitido, polo que a empresa xa foi obrigada a indemnizar aos afectados, moitos destes veciños aseguran que non come nada que medre nas súas terras por medo á contaminación.

A dirección acordou trasladar a todos os habitantes da parroquia a un sitio parecido pero pasou o tempo e o pacto quedouse só en promesas. A balsa dos lodos segue alí, preto de moitas casas e tamén dunha piscifactoría de Pescanova.  Alcoa asegurou que os seus residuos non son perigosos nen contaminantes, xa que están nun estado semisólido, o que dificultaría o seu avance.

As administracións local e autonómica non teñen coñecemento do plan de emerxencia que a empresa afirma ter, se ben pola consideracion legal que teñen estes residuos non están obrigados a telo. E Alcoa asegura que a súa balsa está en perfecto estado, se ben a organización ecoloxista ADEGA afirma que se teñen detectado fisuras no dique.

imagen

Autor: Aldara

Esta entrada foi publicada en Medioambiente, Xeral e etiquetada , , . Garda o enlace permanente.

9 Responses to Lodos vermellos tamén en Galicia

  1. paula.aso4a di:

    Tamen os directivos de Hungría aseguraban que o embalse que alá teñen estaba en bo estado, pero ao final as consecuencias son as que xustifican a realidade. Non nego que esta balsa de Alcoa este en mal estado pero, a pesar de todo, non lle vendria mal máis vixianza, porque si realmente hai xente que di que detectou nivel de flúor nos arredores, e agora por esa razón non poden aproveitar as terras dos arredores… Polo menos que a fabrica se encargase de indemnizar de verdade a esas persoas e non de prometer cousas que logo non cumple.
    E bueno, esperemos que isto non pase, pero si a balsa se rompese, moitos dos vertidos irían ao mar, e iso sería unha desgraza que non podemos permitir, polo que a vixianza e a seguridade nunca está de máis.

  2. aldara.aso4a di:

    Pero claro, non van tirar pedras sobre os seus propios tellados Paula. Entón din que está en bo estado para tranquilizarnos ou quizá sexa verdade. Eu creo que non lle viría mal unha raparación e se hai fisuras, arranxalas.
    Os vertidos irán parar ao mar, pero antes teñen que pasar por moitos sitios deixando tras si unha gran desgraza. Xa que nesas terras xa non se vai a poder cultivar nada.

  3. nerea.aso4a di:

    Estou totalmente de acordo con Paula.Nunca está de máis aplicar unha vixianza máis exhaustiva e vixiar posibles fisuras.Tamén penso,que debido a catástrofe de Hungría,Alcoa debería reforzar a súa seguridade xa que son conscientes de que agora mesmo están no punto de mira e que se houbese unha fisura grave e se exparcera o lodo vermello, tería moita máis repercusión sobre o medio ambiente debido ó seu tamaño,moito maior a da empresa de Hungría.

  4. Isaac di:

    En realidade, Aldara, no caso desta balsa de residuos o maior perigo,no caso de que rompera o dique, non está na afectación de zonas de cultivo, xa que está a moi pouca distancia da praia de Lago. Agora ben, polo seu enorme volume as consecuencias sobre o medio mariño serían imprevisibles, pero gravísimas en calquera caso.

    Alcoa insiste en que estes residuos non son contaminantes, e que as súas medidas de seguridade son completamente fiables. Investigade un pouco e dade a vosa opinión.

  5. aldara.aso4a di:

    Esta balsa é sete veces maior que a de Hungría e se rompe a desgraza sera moito máis grande. Xa se detectaron fisuras, e a balsa pode chegar a contaminar augas potables que estén preto. Xa que está cerca de moitas casas. E as persoas que viven por alí preto, algunhas, padecen de fluorosis, o que é grave para a fraxilidade dos osos. O presidente de Alcoa di que non ten a preocupación de que a balsa poda romper, que é algo moi complicado.

  6. nerea.aso4a di:

    Tamén dirían os da fábrica da empresa de Hungría que era complicado que rompese e xa se veu o que pasou. Non se deberían confiar. Non creo que lles resultase moi complicado realizar unha inspeción para detectar e arranxar fisuras.

  7. aldara.aso4a di:

    Creo que Nerea ten razón. Non lles costa nada facer unha inspección para asegurarse do estado da balsa xa que un Hungría tamén decían o mesmo e pasou o que pasou. E se teñen algunha fisura e hai que reparala, aínda que coste moitos cartos e mellor que o arranxen, xa que limpar todos os resíduos si a balsa rompe sairá máis caro.

  8. lucia.aso4a di:

    Penso que porque eles pensen que a balsa está ben protexida non deben confiarse, pois en calquera momento pode pasar calquer cousa e abrirse. É certo que os residuos da balsa que hai en Galicia están case en estado sólido, mais eso non quere dicir que non teñan perigo sobre o medio ambiente, sobre todo no mar, xa que esta fábrica se atopa preto.
    Creo que tendrían que facer inspeccións sobre a balsa con regularidade, non só para evitar que se se rompa o dano económico sexa moi elevado, se non que hai que pensar no medio mariño e nos moitos veciños que viven cerca da zona onde se atopa a fábrica.
    Por outra banda, penso que deberían ter un plan de emerxencia por se se dera calquer circunstancia e o dique saise danado, mais que nada por ter prevención e evitar que chegue a pasar unha catástrofe coma a de Hungría.

  9. aleksei.aso4a di:

    Mentres a seguridade sexa correcta non deberiamos preocuparnos por isto inda que sería bó desfacerse destos contaminantes

Deixa unha resposta