DERRETÉNDOSE POLOS DOUS POLOS

 

O Instituto xeolóxico da Universidade de Colonia (Alemaña)  realizou un estudo no que se detectou que o xeo do Ártico e o xeo da Antártida derrétese ó mesmo tempo, así é que os seus niveis de xeo son parecidos.

Esta investigación foi publicada en Science, onde contaba que dende a última idade de xeo fóronse estudando todos os procesos que provocaron a fusión das capas de xeo no norte e no sur do planeta. O autor principal deste estudo sobre as condicións do xeo na Antártida e no Ártico foi Michael Weber que indica que o descenso do xeo na Antártida produciuse 5.000 anos antes do previsto.

Os resultados obtidos ata o de agora demostran que a Antártida non estaba tan illada climáticamente como se supoñía, senón que está relacionada no tempo climático co norte do planeta.

Algúns expertos sinalan que a fusión simultánea dos dous polos puido ser a causa dos cambios do nivel do mar e a circulación das augas profundas do Océano Atlántico. Estes expertos preocupados pola falta de estudo sobre a investigación da Antártida, e así é, que non se coñecía a inestabilidade da capa de xeo desta zona.


Autora: Chus Aguín

Esta entrada foi publicada en Cambio climático, Medioambiente e etiquetada , , . Garda o enlace permanente.

2 Responses to DERRETÉNDOSE POLOS DOUS POLOS

  1. raul.aso4a di:

    O desxeo simultáneo dos dous polos non podería supoñer un cambio nas correntes do mar?

  2. isaac di:

    Este tema daría para un post moi interesante porque, efectivamente, as correntes oceánicas dependen basicamente da temperatura das augas e da súa salinidade, polo tanto poderían variar como consecuencia da fusión dos glaciares e xeo flotante que están próximos aos polos.

Deixa unha resposta